Ons is baie trots op ons cheerleaders, wat jaarliks uitblink op vele terreine. Die cheerleaders ondersteun en help mekaar om in tegniek en vaardigheid te groei. In 2013 was ons die nasionale kampioene. Van 2016 se vierdeplek het ons in 2017 die silwer beker huis toe gebring toe ons tweede eindig in die nasionale kampioenskappe. Montana het in 2018 twee Gauteng-cheerleaders, asook drie SA-cheerleaders opgelewer. In 2019 het twee leerders hul Gautengklere verwerf en, behalwe vir individuele prestasie, kry ons Co-ed Small-groep dit weer reg om weg te stap as nasionale kampioene.
In 2022 behaal ons ‘n derdeplek by die nasionale kampioenskappe, sowaar ‘n prestasie om op trots te wees, aangesien ons van voor af begin het weens die Covid-pandemie. Ons is nou weer volstoom besig - hierdie jaar neem ons weer deel as ‘n Co-edspan (seuns en dogters). Ons sien uit om te wys tot watter suksesse ons in staat is. Ons spog ook met heelwat cheerleaders wat hul Gautengklere verwerf het.
Die sport vereis goeie uithou- en deursettingsvermoë, en die Montie-cheerleaders beskik verseker hieroor. Hulle is passievol oor hulle sport, hulle is doelgerig en aanvaar enige uitdaging en maak `n sukses daarvan. Hulle sportmangees, vaardigheid, doelgerigtheid en dissipline spreek vanself. Wat `n voorreg om deel te kan wees van so ongelooflike spansport. Cheerleading kan ook ná skool beoefen word en indien Gautengklere verwerf word, is insluiting in die SA-span ook moontlik.
