Jukskei is 'n unieke sportsoort, wat geen fiksheidskomponent vereis nie, maar wel goeie hand-oogkoördinasie en deursettingsvermoë. Hierdie spansport wat inheems is aan Suid-Afrika, word deur alle ouderdomsgroepe gespeel. Die liga vind in die derde kwartaal plaas en word deur twee spanne van vier spelers elk. Twee rubber, hout of plastiekskeie maak deel uit van die spel, wat tussen 11m en 16m na 'n houtpen in 'n sandput gegooi word.

In 2023 het Hoërskool Montana 3 spanne ingeskryf vir die liga. Die 0/19-gemengdespan het met goud weggestap en die 0/16-seuns met silwer. Twee van ons spelers, Hendré Botha en Milanke Rautenbach, het Gauteng-Noord tydens die SA Kampioenskappe verteenwoordig. Hendré is ook vir die SA 0/16A-span gekies. Ons sien uit na ʼn opwindende 2024 seisoen.